ຍີ່ປຸ່ນ ກຽມພັດທະນາ ລູກສອນໄຟອາກາດສູ່ພື້ນ
ສຳນັກຂ່າວເຈນ ລາຍງານໂດຍອ້າງຂໍ້ມູນຈາກກະຊວງປ້ອງກັນປະເທດ ຍີ່ປຸ່ນ ລະບຸວ່າ: ກະຊວງປ້ອງກັນປະເທດ ຍີ່ປຸ່ນ (MoD) ຮ່ວມ
ກັບສຳນັກງານຈັດຊື້ອາວຸດ ແລະ ການປັບປຸງຮັກສາອາວຸດປະກາດວ່າ, ກອງທັບຂອງຕົນມີແຜນຈະເລີ່ມໂຄງການວິໄຈ, ປັບປຸງ ແລະ ພັດທະ
ນາຂີດຄວາມສາມາດຂອງລູກສອນໄຟອາກາດສູ່ພື້ນໄລຍະຍິງປານກາງຮຸ້ນ(Medium Range Air-to-Air Missile: AAM) ຮຸ້ນໃໝ່
ພາຍໃນປີນີ້, ໂດຍມີແຜນຈະນຳໄປຕິດຕັ້ງໃສ່ກັບເຮືອບິນຂັບໄລ່ຮຸ້ນ Global Combat Air Programme (GCAP) ຮຸ້ນທີ 6.
ການປັບປຸງຄັ້ງດັ່ງກ່າວ, ເພື່ອເປັນການກຽມພ້ອມວັດຖຸອຸປະກອນເຂົ້າໃນພາລະກິດປົກປັກຮັກສາເຂດນ້ຳແດນດິນ, ເຊິ່ງລັດຖະບານຍີ່
ປຸ່ນ ໄດ້ອະນຸມັດງົບປະມານເຂົ້າໃນໂຄງການປັບປຸງຄັ້ງນີ້ ປະມານ 123,5 ລ້ານໂດລາສະຫະລັດ, ໂດຍພັດທະນາຕໍ່ຈາກໂຄງການ Joint
New AAM JNAAM ທີ່ທາງໂຄງການໄດ້ວິໄຈ ແລະ ພັດທະນາລູກສອນໄຟນຳວິຖີຮຸ້ນ AcitveRadar ຮ່ວມກັບອັງກິດ.
ແຫຼ່ງທີ່ມາ: ໜັງສືພິມກອງທັບ
ວັນທີ 08/04/2024